فطين: بقولك ايه يا كريم انت فاتح الفيس بوك
كريم: ايون
فطين: هو انت اللى بعتلى جروب تعليمنا أملنا ده ... ده ايه ده يا صديقى
كريم: ده جروب حبة شباب بيحاولوا يعملوا حاجه بايديهم .. حاجه تنفعهم وتنفع ولادهم
فطين: طب والله كويس بس هيعملوا ايه جمعية يعنى وكل شهر طالب يقبضها
كريم: جمعيه ايه يا فطين ؟؟ ههههههه دى مبادرة منهم عشان يحاولوا يصلحوا التعليم
اللي محدش عارف يصلحه ده
فطين: يااااااااااه .. أخيراً .. بس ده احنا عقولنا نحست خلاص وماله برضو اهى حاجه
تنفع ولادنا فى المستقبل .. بس يعنى ايه مبادرة دى يا كريم
كريم: حبسطهالك .. مبادرة يا فطيم يعني البداية وبسرعة في حاجة جديدة شبه ما انت
سألتني ع الحوار ده يعني بادرتني بالسؤال
فطين: اهاااا .. طيب والناس دى عايزة تعمل ايه بسرعة هيصلحوا التعليم بسرعة يعنى
ويخلوا الدكاترة تسمعنا ويغيروا الثانوية العامة اللى أحبطتنا دى ويصححوا كل
حاجه غلط ؟
كريم: يا فطين اكيد تعرف مقولة مشوار الالف ميل بيبدأ بخطوة صح ؟
فطين: اه عارفها
كريم: طب عمرك فهمت معناها ولا عارفها كدا وخلاص ؟!
فطين: ايوه ياعم طبعا يعنى الواحد لو رايح أسـوان مشى هيبدأ بخطوة والمسافة لغاية هناك
1000 كـم
كريم: ههههههه يا فطين انتا كدا فهمت المعني الحرفي للكلام وبعدين بزمتك في حد
حيروح اسوان مشي
فطين: زمان لما الناقة كانت بتعطل ههههههههه
كريم: علي اساس انها ناقه اوبترا ؟؟ ماشي يا عم زمان كان في ناقة استبن برضو
وبعدين ده مش موضوعنا انا اقصد اننا لو ناويين نغير تعليمنا يبقي لازم نبدأ
ومنستناش حد يجي يطور لنا تعليمنا
فطين: طيب عملوا ايه الناس دول ؟
كريم: حقولك الحكاية من اولها
فطين: قول يا كيمو واطربنى
كريم: هيا في الاول كانت فكرة عند كام شاب حاسين انهم مأخدوش التعليم اللي يرضيهم
وانهم حاسين ان ممكن فعلا يغيروا تعليمهم بايديهم فبدأوا يحلموا انهم يطور التعليم ودة كان حلمهم الكبير لكن كان عندهم مجموعة أحلام صغيرة وأهمها ان حد يسمعهم
وبفضل الله ربنا وفقهمو
وحققوا اول حلم صغير وهو انهم عرضوا الفكرة بتاعتهم في مكتبة الاسكندرية
وكان يوميها فيه استبيان عن مشكلة التعليم وكان في برسنتيشن وبعديها بفترة
عملوا ورشة عمل لمدة تلات ايام ناقشوا فيها المشكله وافكار الشباب والحلول اللي
ممكن يقدروا ينفذوها
وبعد كدة لقوا انهم قدروا يحققوا حلمهم الصغير واملهم زاد انهم يحققوا حلمهم الكبير علشان كدة اتحولو لمبادرة اسمها تعليمنا أملنا وليها جروب على الفيس بوك علشان يتواصل مع كل الشباب وبكدة يقدروا يحققوا حلمهم الكبير
كريم: وعلى فكرة انا كنت واحد من المشاركين فى الورشة دي واستفدت كتيررر طبعا وكان نفسي تكون معايا انت وكل شباب مصر عشان تعرف اد ايه ان كلامك مهم وممكن يفيدنا
فطين: والله انت تستاهل اننا نقولك كيمو الكينج عشان روحت مع الناس اللى زى الفل دول
والله حاجه كويسه جدا وانا فى أقرب فرصة هكون معاكم .
كريم: حاجة كويسة يا فطين انك تفكر انك تشارك ولو حتي بوجودك .. في غيرك كتير
لما اقولهم كدا يقولولي يا عمي .. مووووت يا حمار ... وهو يعني انتوا حتعرفوا
تصلحوا المنظومه اللي بقالهم سنين مش عارفين يغيروه !! انتا عارف دول
يافطين حياتهم حتلاقيها كلها كدا بلا هدف عبارة عن ناس سلبيين
كريم: وحتي لو لا قدر الله معملناش حاجه حيكون زاد عندنا الوعي بالمشكلة
وحنحاول بقي نتواصل مع طلبة الجامعات ونعمل ندوات ونتواصل بالمبادرة دى
لجميع فئات الشعب ونوصل لكل مصرى ونعرفهم احنا مين !
فطين: طب والله كويس أوووى .. بس انت شايف ان فى أمل ؟
كريم: بص مرة شباب المباردة دي قالولي كلمة ... ان محاضره في المكتبة ولا ورشه
عمل كان بالنسبه ليهم حلم كبيييييير بس لو مكنش عندهم امل هل تعتقد انهم كانوا
عملوا حاجه ؟
فطين: لا طبعا لازم يكون فى أمل وتفاؤل وإن شاء الله ربنا هيكرمهم ويكونوا سبب فى
تطوير التعليم
كريم: وانا وانتا يا فطين وكل واحد عاوز يشارك مش هما بس
فطين: طب لو مقدرتش اجى وأكون معاكم أقدر اساعدكم بأيه ؟؟
كريم: انت ممكن تساعدنا وانتا قاعد في بيتك ... اقل حاجة حتعمل شير لفكرتنا في كل حتة
وتفهم الناس ان تعليمنا هو أملنا .
كريم: ايون
فطين: هو انت اللى بعتلى جروب تعليمنا أملنا ده ... ده ايه ده يا صديقى
كريم: ده جروب حبة شباب بيحاولوا يعملوا حاجه بايديهم .. حاجه تنفعهم وتنفع ولادهم
فطين: طب والله كويس بس هيعملوا ايه جمعية يعنى وكل شهر طالب يقبضها
كريم: جمعيه ايه يا فطين ؟؟ ههههههه دى مبادرة منهم عشان يحاولوا يصلحوا التعليم
اللي محدش عارف يصلحه ده
فطين: يااااااااااه .. أخيراً .. بس ده احنا عقولنا نحست خلاص وماله برضو اهى حاجه
تنفع ولادنا فى المستقبل .. بس يعنى ايه مبادرة دى يا كريم
كريم: حبسطهالك .. مبادرة يا فطيم يعني البداية وبسرعة في حاجة جديدة شبه ما انت
سألتني ع الحوار ده يعني بادرتني بالسؤال
فطين: اهاااا .. طيب والناس دى عايزة تعمل ايه بسرعة هيصلحوا التعليم بسرعة يعنى
ويخلوا الدكاترة تسمعنا ويغيروا الثانوية العامة اللى أحبطتنا دى ويصححوا كل
حاجه غلط ؟
كريم: يا فطين اكيد تعرف مقولة مشوار الالف ميل بيبدأ بخطوة صح ؟
فطين: اه عارفها
كريم: طب عمرك فهمت معناها ولا عارفها كدا وخلاص ؟!
فطين: ايوه ياعم طبعا يعنى الواحد لو رايح أسـوان مشى هيبدأ بخطوة والمسافة لغاية هناك
1000 كـم
كريم: ههههههه يا فطين انتا كدا فهمت المعني الحرفي للكلام وبعدين بزمتك في حد
حيروح اسوان مشي
فطين: زمان لما الناقة كانت بتعطل ههههههههه
كريم: علي اساس انها ناقه اوبترا ؟؟ ماشي يا عم زمان كان في ناقة استبن برضو
وبعدين ده مش موضوعنا انا اقصد اننا لو ناويين نغير تعليمنا يبقي لازم نبدأ
ومنستناش حد يجي يطور لنا تعليمنا
فطين: طيب عملوا ايه الناس دول ؟
كريم: حقولك الحكاية من اولها
فطين: قول يا كيمو واطربنى
كريم: هيا في الاول كانت فكرة عند كام شاب حاسين انهم مأخدوش التعليم اللي يرضيهم
وانهم حاسين ان ممكن فعلا يغيروا تعليمهم بايديهم فبدأوا يحلموا انهم يطور التعليم ودة كان حلمهم الكبير لكن كان عندهم مجموعة أحلام صغيرة وأهمها ان حد يسمعهم
وبفضل الله ربنا وفقهمو
وحققوا اول حلم صغير وهو انهم عرضوا الفكرة بتاعتهم في مكتبة الاسكندرية
وكان يوميها فيه استبيان عن مشكلة التعليم وكان في برسنتيشن وبعديها بفترة
عملوا ورشة عمل لمدة تلات ايام ناقشوا فيها المشكله وافكار الشباب والحلول اللي
ممكن يقدروا ينفذوها
وبعد كدة لقوا انهم قدروا يحققوا حلمهم الصغير واملهم زاد انهم يحققوا حلمهم الكبير علشان كدة اتحولو لمبادرة اسمها تعليمنا أملنا وليها جروب على الفيس بوك علشان يتواصل مع كل الشباب وبكدة يقدروا يحققوا حلمهم الكبير
كريم: وعلى فكرة انا كنت واحد من المشاركين فى الورشة دي واستفدت كتيررر طبعا وكان نفسي تكون معايا انت وكل شباب مصر عشان تعرف اد ايه ان كلامك مهم وممكن يفيدنا
فطين: والله انت تستاهل اننا نقولك كيمو الكينج عشان روحت مع الناس اللى زى الفل دول
والله حاجه كويسه جدا وانا فى أقرب فرصة هكون معاكم .
كريم: حاجة كويسة يا فطين انك تفكر انك تشارك ولو حتي بوجودك .. في غيرك كتير
لما اقولهم كدا يقولولي يا عمي .. مووووت يا حمار ... وهو يعني انتوا حتعرفوا
تصلحوا المنظومه اللي بقالهم سنين مش عارفين يغيروه !! انتا عارف دول
يافطين حياتهم حتلاقيها كلها كدا بلا هدف عبارة عن ناس سلبيين
كريم: وحتي لو لا قدر الله معملناش حاجه حيكون زاد عندنا الوعي بالمشكلة
وحنحاول بقي نتواصل مع طلبة الجامعات ونعمل ندوات ونتواصل بالمبادرة دى
لجميع فئات الشعب ونوصل لكل مصرى ونعرفهم احنا مين !
فطين: طب والله كويس أوووى .. بس انت شايف ان فى أمل ؟
كريم: بص مرة شباب المباردة دي قالولي كلمة ... ان محاضره في المكتبة ولا ورشه
عمل كان بالنسبه ليهم حلم كبيييييير بس لو مكنش عندهم امل هل تعتقد انهم كانوا
عملوا حاجه ؟
فطين: لا طبعا لازم يكون فى أمل وتفاؤل وإن شاء الله ربنا هيكرمهم ويكونوا سبب فى
تطوير التعليم
كريم: وانا وانتا يا فطين وكل واحد عاوز يشارك مش هما بس
فطين: طب لو مقدرتش اجى وأكون معاكم أقدر اساعدكم بأيه ؟؟
كريم: انت ممكن تساعدنا وانتا قاعد في بيتك ... اقل حاجة حتعمل شير لفكرتنا في كل حتة
وتفهم الناس ان تعليمنا هو أملنا .
عجبني اسلوب العرض
ردحذفو عجبتني الفكرة المعروضة
بس انا حابب اعرف عن
1- ايه الجدوى من الورشة او ايه اللي خرجتم بيه منها
2- منظومة كبيرة زي دي فعلا التغيير فيها بيكون صعب
فهل ممكن فعلا احداث التغيير ده
و بفرض انه ممكن و انكم وجدتم السبيل لده فايه مخططكم للتنفيذ و ايه الخطوات و ايه الامكانيات المتوفرة لاحداث التغيير التي تهدف له المبادرة اللي قمتم بيها و ما هي الموارد المتاحة
اتمنى ان تشرحوا لنا خطتكم المطروحة ضمن المباردة
فالمبادرة كإقتراح فقط لا تكفي لاحداث تغيير ضخم زي
اللي بطالبوا بيه ... و انا مش بحبطكم لا قدر الله
انا بس واقعي شويتين
تحياتي لكم على المباردة المطروحة و التي تعتبر خطوة اساسية و مهمة للنتقل من التهميش العالمي و من قائمة الدول النامية الى دولة متقدمة فالعلم اساس المجتمع ان صلح صلح المجتمع
اولا بنشكرك على مرورك وتفاعلك معنا ودعمك وتشجيك لنا ثانيا الاستفسارات التى طرحتها هى استفسارات مشروعة ولك الحق فيها واننا نعلم جيدا ان الهدف من طرحها هو انك تريد ان تعرف المزيد عن المبادرة وليس الاحباط او اى شئ اخر
ردحذفكان الهدف من اقامة ورش العمل هو طرح القضية على اصحابها(الطالب المهمش دائما )ومحاولة الخروج بمقترح كامل قابل للتطبيق يساعد فى حل مشكلة التعليم فى مصر
كان اهم ما خرجنا بة من ورشتنا أولا زيادة وعى جميع المشاركين فى ورش العمل واهتمامهم بالقضية
الخروج ببعض المقترحات الهامة والقابلة للتطبيق ويمكنك الاطلاع عى هذه النتائج عن طريق ارسال ايممل تطلب فية ذلك على الايمل الخاص بنا وسف يتم ارسال لك البيان الختامى لورش العمل كاملا t3lmna2mlna@gmail.com
كما اننا خرجنا من ورش العمل بهذه المبادرة التى سوف تكون بمثابة الانطلاقة لنا فى اكثر من مجال واهمها
• التواصل مع جميع فئات الشعب المصري لرفع الوعي بقضية التعليم وتغير المفاهيم الخاطئة
• تعظيم دور العلماء داخل المجتمع
• خلق حلقات وصل بين اعضاء هيئة التدريس وجمهور الطلاب وبين وزارتي التربية والتعليم والتعليم العالي
• تشجيع القطاع الخاص للمساهمة فى تطوير البحث العلمي
• التواصل مع نوادي العلوم والتنسيق معها لاظهار دورها وتشجيع الطلاب علي التفاعل والمشاركة بها
• تشجيع رجال الاعمال للاستثمار في بناء مجموعة من المدن الترفيهية والمتاحف التعليمية والقنوات العلمية الفضائية
وهذا ما تقوم بتفيذه الان اما عن مدى نجاحنا فى تحقيق ذلك فسوف اقول لك اننا كنا شخص فى البداية يتحدث عن الفكرة وبعدها انتقلت الى مجموعة من الاشخاص لا يتعدى عددهم اكثر من 6 اشخاص لم يكن يعرفنا احد ولم يكن احد يسمع عنا وبفضل الله اليوم اصبحانا .......
بفضل الله اصبحت مكتبة الاسكندرية والاكاديمية العربية للعلوم والتكنولوجيا والنقل البحرى من الراعيين والداعمين لنا وسوف نقوم بالمزيد والمزيد الى ان نحقق حلمنا اتمنى ان اكون قد جاوبت على استفساراتك واذا كان هناك شئ مبهم او تريد ان تستفسر عنة مرة ثانية فهذا يسعدنا كثير يسعدنا التواصل والتفاعل معك